-->
لك سيدتي:صحة،أناقة،جمال،وسفر                                                          لك سيدتي:صحة،أناقة،جمال،وسفر
educ

latest news

educ
educ
جاري التحميل ...
educ

هام وخطير:معلومات مفيدة حول استعمال الشيك chequeوالاخطار المحتملة لسوء استعماله وانواعه

معلومات هامة ومفيدة
اليوم غنتكلم ليكوم على الشيك و انواعه باش تكون عندكم فكرة عامة عليه و باش تكونو على بال منو حيت ماشي ديال اللعب .
الشيك هو وسيلة للأداء يعني كانخلص بيه واحد السيد لي كايسالني شي حاجة هاد الشيك ممكن يدوز من يد ليد يعني الملكية ديالو يمكن تحول من شخص لشخص نتا تخلصني بشيك و أنا نخلص واحد آخر بهاداك الشيك ديالك وهي غادا هاد العملية كاتسمى التظهير l'endossement الطريقة هي أنني كانسني ف الظهر ديال الشيك ونعطيه لاخر و هو كايدير نفس الشيء و هاد العملية ماعندهاش حدود الى عمر الشيك منverso ديالو (موراه) كانgرافيو معاه ورقة عادية كاتسمى allonge و نكملو فيها التوقيعات.
● شناهو Chèque barré: هو ملي كايدارو 2 شرطات // متوازيين ف Recto ديال الشيك يعني من القدام ، وغالبا كايكونو الفوق على ليسر : المعنى ديالو أن هاد الشيك مايمكنش يتصرف Espèce (باستثناء مولاه) خاصك تدفعو ف الحساب ديالك يعني كادير Remise للشيك فحسابك وكايدوزو الفلوس من حساب مول الشيك لحسابك،الى كان الشيك لي دفعتي مولاه ف نفس الوكالة لي نتا فيها .الفلوس راغايدوزو بيه فيه sur place ويلا كنتو ف نفس البنكة مي ف وكالات مختالفين غايدوزو الفلوس على يوماين J+2 الى كان فبنك مغاير للبنك ديالك ف 3 Jrs ،هادشي الى كانت provision أما الى ماكانوش راكاتسلم *شهادة رفض الأداء certificat de refus de paiement *
==> 1) الشيك فاش كايكون عادي ماشي barré وبغيت نتخلص فيه ""espèce"" نرد البال لle lieu de paiement مكان الأداء كايكون ف الشيك كيعني البلاصة فين غانتخلص فيه، على الغالب كايكون الوكالة لي فاتح فيها مول الشيك بمعنى غايخصك تمشي للوكالة ديالو باش تخلص كاش الى مامشيتيش للوكالة ديالوو فخاصك تدفع الشيك فحسابك، باستثناء بعض الحالات كايكون عندهوم الشيك فيه <يؤدى في جميع وكالات البنك الفلاني> هادا تصرفو فأي وكالة ديال ديك البنكة.
ا==> 2) الشيك عطيتو للسيد X ولو نكتب سميتو ف الشيك يمكن يستافد منو السيد Y أولا Z....و يبقا كايدور من يد ليد (هادشي لي سميناه التظهير l'endossement) ماعادا الى كتبت ف الشيك من الفوق : N.E أو NON ENDOSSABLE أو {غير قابل للتظهير} هاكا غايولي دور عند ديك La case ديال المستفيد بحيث أن هاداك لي محددو فالشيك الوحيد لي يمكن ليه يستافد من الشيك ومايمكنش يعطيه لشي حد
. ؛ ويلا كان الشيك barré و مكتوبة فيهN.E فغاتكونو فهمتو بلي الوحيد لي غايستافد من الشيك هو لي مكتوب ف بلاصة المستفيد و غايخصو يدير ليه remise (يدفعو ف الحسابcompte ديالو)
● شيك سرتفييchèque certifié
هاد العملية ديال إتبات الشيك certification du chèque كاتعني ببساطة أن البنك هو لي كايضمن الأداء للمستفيد مثلا فاش كاتشري سيارة من عند شي شركة كاطلب ليك شيك certifie هي ماشغلهاش فديك الهدرة ديال ماعندكش الفلوس ولا signature mamgadach أو أو ... هاكا هي كاتولي تعرف البنكة ماشي نتا ،،==> كيفاش كاتم هاد العملية!؟؟؟ فاش كاتمشي تسيرتفيي الشيك عند البنكة ديالك البنكة كاتأكد بلي عندك داك المبلغ ف الحساب وكادوز certification عندها فsystème هاكا دوك الفلوس كايخرجو داك الساع من الكونط ديالك و كايبقاو فواحد الكونطinterne ديال البنكة و البنكة كاطبع ليك ف الشيك بلي certifié ,نتا فاش كاتعطي داك الشيك لشي حد و كايدفعو كايخرجو الفلوس من داك الكونط interne ديال البنكة و كاياخدهم داك المستفيد . هاد العملية يؤدى عليها و كاتبقا هاد certification ديال الشيك لمدة 20 يوم فقط ،
■ دفعت شيك ف الحساب ديالي و رجع impayé ماتخلصش ماشي بالضرورة غايكون رجع على الفلوس ممكن يكون ماتخلصش لأسباب أخرى بحال :
التوقيع لي ف الشيك ماصحيحش La Non Conformité
حاجة اخرى مهمة جدا، le chèque est un moyen de paiement a vue يعني مكيتحكمش فيه التاريخ واخا تدير فيه سنة 2060 من حقي نتخلص فيه غدا.
و نزيدك للنصيحة اللي عطا الشيك لشي واحد يحدد فيه الاسم ديال x و يكتب فيه N.E باش ميسبب ليه شي كارثة و يحدد المبلغ. خصوصا ناس تأجير السيارات راه كتغامر بشيك خاوي يصفتك للحبس و لا يدي ليك رزقك و معندك متصور. كاين بزاف مايتقال فهاد الموضوع المهم غير تعرفو البرانسيب ديال الشيك و باش ماتلعب بيه حيت اقدر ادخلك ل البنيقة و نتا ماعارف علاش .
و السلام
,منقول للاستفادة


●●ندعوكم الى تقديم آرائكم واقتراحاتكم من خلال 
صندوق التعليقات أسفله.كما يمكنكم تقاسم ونشر أعمالكم على الموقع ، وما على الراغبين في ذلك سوى مراسلتنا عبر البريد الإلكتروني التالي: Mojmos3@gmail.com لأي استفسار ما عليكم سوى مراسلتنا ●● 

■ فى نهاية موضوعنا هذا وللاطلاع على■ الموضوعات القادمة وحتى تتوصلوا بكل جديد من موضوعات المدونة لاتنسوا التسجيل والانضمام للقائمة البريدية للمدونة بادخال بريدكم الالكتروني عن طريق التسجيل■■


التعليقات



إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

إتصل بنا

المتابعون

ads

إشترك في قناتنا ودعمنا

إشترك في قناتنا ودعمنا
قناة تعليمية ومنوعات

health,fitness,travel,beauty...and other

healthand fitness travel beauty:women and men computer and technology

جميع الحقوق محفوظة

لك سيدتي:صحة،أناقة،جمال،وسفر

2016