السلام عليكم ومرحبا بالجميع ،
اليوم جيت نتقاسم معاكم واحد الوجهة إيطالية بزاف دالناس ما عاطيينهاش قيمتها وهي عاصمة بيمونت مدينة طورينو حيت الأغلبية كيزورو المدن المشهورة بحال روما وميلانو وفينيسيا والاراضي السبع و بيزا وفلورانسا...
بالنسبة للتاريخ:
هاد المدينة عندها تاريخ كيرجع ل 2400 عام تبنات على يد قبيلة تورين اللي قامت بالغزو ديال اجزاء كبيرة من فرنسا وإسبانيا قبل ما تولي من الاراضي الايطالية داكشي علاش لغاية اليوم كنلقاو مجموعة من القصور والتحف اللي كترجع لعائلات فرنسية.
بالنسبة للزيارات:
هاد المدينة عندها واحد الغنى ثقافي وتاريخي كبير، فيها بزاف ديال المعارض الفنية ، والمطاعم والمقاهي التاريخية ، والكنائس ، والقصور ، والساحات ، والحدائق ، والمكتبات ، والمتاحف اللي كل متحف ينسيك فلاخور، الشوارع اللي مزروعة بالأشجار والزناقي اللي مضويين فالليل ... إلخ. هادشي كله كيخليها مدينة أنيقة كتمزج بين الأصالة والمعاصرة.
من ناحية أخرى ، هذه المدينة فيها الحركة كثيرة نهارا وحتى فالليل وكاين الكثير من الانشطة الترفيهية.
جانب التنقل ووسائل النقل
المواصلات موجودة ، لان المدينة تتوفر فيها مطارات دولية المواصلات موجودة . للوصول لوسط المدينة كاين طوبيس كاين طاكسي الخ..
بالنسبة للناس لي تجي فالتران فطورينو كاينةالمحطة الرئيسية فوسط المدينة Porta Nuova، وهي محطة مصنفة كثالث أكبر محطة في إيطاليا بعد محطة روما تيرميني ومحطة ميلانو ، يمكن ليكم تجيو او تمشيو للكثير من الوجهات الأوروبية.
طريقة التنقل وسط المدينة :
هناك الكثير من الاختيارات: المترو ، الترام ، الطوبيس ، الحافلات السياحية والدراجات ، والطروتينيط ، أو تنزهوا على رجليكم.
جانب الإقامة:
هناك كذا العديد من الاختيارات في هذا الجانب بين الفنادق والهوستيل والشقق ابتداء من 350 درهم فموقع بوكينغ
جانب الأكل:
اللي كيقول طورينو كيقول فن الطبخ حيت منطقة بيدمونت كانت فيها أول جامعة لعلوم الطبخ فإيطاليا.
أكلهم يجمع بين طبخ الفلاحين بالنكهات لي كانوا كيستعملو في القديم وبين الطبخ الفرنسي.
ما تنساوش تشربو البيتشرين bicerin ، مشروب تقليدي كيتكون من 3 مكونات: قهوة ، شوكولا وكريمة الحليب من الاحسن تجربوه في مقهى Bicerin حيت بزاف القهاوي كيديروه ولكن ما عندهمش البنة ديال الوصفة الأصلية لي بقات سرية حتى اليوم.
بالنسبة الشوبينج:
متعة حقيقية ،الكثير من الاختيارات كاينين العلامات التجارية المحلية والعالمية ، لجميع الأذواق والميزانيات.
وكاين سوق فيه المغاربة يصاوبو معاكم فالثمن.
نترككم مع بعض الصور ولمزيد من التفاصيل والمعلومات
●●
ندعوكم الى تقديم آرائكم واقتراحاتكم من خلال
صندوق التعليقات أسفله.كما يمكنكم تقاسم ونشر أعمالكم على الموقع ، وما على الراغبين في ذلك سوى مراسلتنا عبر البريد الإلكتروني التالي: Mojmos3@gmail.com لأي استفسار ما عليكم سوى مراسلتنا
●●
■ فى نهاية موضوعنا هذا وللاطلاع على■ الموضوعات القادمة وحتى تتوصلوا بكل جديد من موضوعات المدونة لاتنسوا التسجيل والانضمام للقائمة البريدية للمدونة بادخال بريدكم الالكتروني عن طريق التسجيل
■■